بس ضيعت أهم لحظة في المقابلة وانت مش واخد بالك!
تفتكر إيه آخر حاجة بيسألوك فيها في أي Interview؟
"عندك أي أسئلة تحب تسألها؟"
ناس كتير بترد بـ:
"لا شكرًا، كل حاجة واضحة."
بس الحقيقة
ده مش سؤال بسيط خالص... ده واحد من أقوى الأسئلة في المقابلة.
ليه؟
لأن اللحظة دي بتكشف للمدير او المحاور اللي قدامك عن حاجات كتير فيك:
بتفكر ولا لأ؟
مهتم فعلاً بالشركة؟
عايز وظيفة وخلاص؟ ولا بتدور على فرصة تناسبك؟
شاطر في التواصل؟ ولا بتسكت أول ما الموقف يبقى مفتوح للنقاش؟
طب تسأل إيه؟
دي فرصتك تسيب انطباع احترافي، وتبين إنك فاهم ...لكن بتختار وتفهم وتشارك:
أسئلة عن الفريق والمدير:
- إيه أكتر المهارات اللي بتخلي حد ينجح في الفريق او الدور دا ده؟
- طريقة الإدارة هنا شكلها عامل إزاي؟ هل في حرية في الشغل؟ متابعة مستمرة؟
أسئلة عن الدور نفسه:
- إيه التحديات اللي ممكن تواجهني أول ٣ شهور؟
- إيه النتيجة اللي تتمنوا تحققوها من الشخص اللي هيبدأ في الدور ده؟
أسئلة عن التطور والتقييم:
- التقييم عندكم بيتم إزاي؟ كل قد إيه؟
- في Career Path واضحة؟ في فرص تنقل أو ترقية داخل الشركة؟
أسئلة عن ثقافة الشركة:
- إيه الحاجة اللي بتحبوها في شغلكم هنا؟
- في أنشطة خارج الشغل؟ الشركة بتحفّز العلاقات بين الإدارات وفريق العمل ازاي؟
وسؤال احترافي ذكي جدًا:
"هل شايفين أي نقطة ممكن تمنع اختياري؟ عشان حابب أوضحها أو أجاوب عليها لو في وقت."
السؤال ده ممكن يكون مرعب للبعض… بس هو اللي بيكسب احترام المديرين، وبيبين إنك شخص واعي، متقبل للفيدباك، وعندك رغبة حقيقية في التطور.
--
وإياك تعمل كده:
❌ تسأل سؤال إجابته موجودة في إعلان الوظيفة أو على قناة التوظيف
❌ تسأل سؤال مالوش علاقة أو واضح إنه مش مدروس بس علشان "ما تسكتش"
---
💡 افتكر:
"الأسئلة اللي بتسألها بتوضح مستواك المهني زيها زي الإجابات اللي بتقدمها."
اللي بيسأل صح، بيتشاف صح.
واللي بيسيب انطباع احترافي، الناس بتفضل فاكره حتى بعد ما المقابلة تخلص.
👇 شاركنا تجربتك:
في مرة سألت سؤال في الآخر، المدير قالك بعده: "أنا مبسوط من تفكيرك!"؟
ولا ندمت إنك ما سألتش؟
0 تعليقات